ਨਵੀਂ ਦਿੱਲੀ- ਦਿੱਲੀ ਵਿਧਾਨ ਸਭਾ ਚੋਣਾਂ ‘ਚ ਭਾਜਪਾ ਦੇ ਉਮੀਦਵਾਰ ਮਨਜਿੰਦਰ ਸਿੰਘ ਨੇ ਰਾਜੌਰੀ ਗਾਰਡਨ ਤੋਂ ਜਿੱਤ ਦਰਜ ਕੀਤੀ ਹੈ। ਸਿਰਸਾ ਨੇ ਆਮ ਆਦਮੀ ਪਾਰਟੀ ਦੀ ਉਮੀਦਵਾਰ ਧਨਵੰਤੀ ਚੰਦੇਲਾ ਨੂੰ 18190 ਵੋਟਾਂ ਦੇ ਅੰਤਰ ਨਾਲ ਹਰਾਇਆ। ਸਿਰਸਾ ਨੂੰ ਕੁੱਲ 64132 ਵੋਟਾਂ ਅਤੇ ਧਨਵੰਤੀ ਨੂੰ ਕੁੱਲ 45942 ਵੋਟਾਂ ਮਿਲੀਆਂ। ਉੱਥੇ ਹੀ ਕਾਂਗਰਸ ਦੇ ਉਮੀਦਵਾਰ ਧਰਮਪਾਲ ਚੰਦੇਲਾ ਨੂੰ ਸਿਰਫ਼ 3198 ਵੋਟਾਂ ਹੀ ਮਿਲੀਆਂ।
ਉੱਧਰ ਦੂਜੇ ਪਾਸੇ ਚੋਣ ਕਮਿਸ਼ਨ ਮੁਤਾਬਕ ਭਾਜਪਾ ਵਲੋਂ ਸ਼ਾਲੀਮਾਰ ਬਾਗ ਤੋਂ ਰੇਖਾ ਗੁਪਤਾ, ਤ੍ਰੀ ਨਗਰ ਤੋਂ ਤਿਲਕ ਰਾਮ ਗੁਪਤਾ ਤੇ ਸੰਗਮ ਵਿਹਾਰ ਤੋਂ ਚੰਦਨ ਕੁਮਾਰ ਚੌਧਰੀ ਨੇ ਜਿੱਤ ਹਾਸਲ ਕੀਤੀ ਹੈ। ਇਸੇ ਤਰ੍ਹਾਂ ਆਮ ਆਦਮੀ ਪਾਰਟੀ ਵਲੋਂ ਸੁਲਤਾਨਪੁਰ ਮਾਜਰਾ ਤੋਂ ਮੁਕੇਸ਼ ਕੁਮਾਰ ਅਹਿਲਾਵਤ, ਦਿੱਲੀ ਕੈਂਟ ਤੋਂ ਵਰਿੰਦਰ ਸਿੰਘ ਕਾਦੀਆਂ ਅਤੇ ਕੋਂਡਲੀ ਤੋਂ ਕੁਲਦੀਪ ਕੁਮਾਰ (ਮੋਨੂੰ) ਜੇਤੂ ਰਹੇ।