ਨੈਸ਼ਨਲ ਡੈਸਕ : ਮੇਘਾਲਿਆ ਦੇ ਸੋਹਰਾ ਵਿੱਚ ਰਾਜਾ ਰਘੂਵੰਸ਼ੀ ਕਤਲ ਕੇਸ ਦੀ ਜਾਂਚ ਹੁਣ ਇੱਕ ਫੈਸਲਾਕੁੰਨ ਮੋੜ ‘ਤੇ ਪਹੁੰਚ ਗਈ ਹੈ। ਮਾਮਲੇ ਦੀ ਜਾਂਚ ਕਰ ਰਹੀ ਐੱਸਆਈਟੀ ਨੇ ਰਾਜਾ ਦੀ ਪਤਨੀ ਸੋਨਮ ਰਘੂਵੰਸ਼ੀ, ਪ੍ਰੇਮੀ ਰਾਜ ਸਿੰਘ ਕੁਸ਼ਵਾਹਾ ਅਤੇ ਉਸਦੇ ਤਿੰਨ ਸਾਥੀਆਂ ਸਮੇਤ 8 ਲੋਕਾਂ ਵਿਰੁੱਧ ਠੋਸ ਸਬੂਤਾਂ ਨਾਲ 790 ਪੰਨਿਆਂ ਦੀ ਚਾਰਜਸ਼ੀਟ ਦਾਇਰ ਕੀਤੀ ਹੈ। ਇਸ ਚਾਰਜਸ਼ੀਟ ਵਿੱਚ ਸੋਨਮ ਅਤੇ ਰਾਜ ‘ਤੇ ਕਤਲ, ਸਬੂਤ ਨਸ਼ਟ ਕਰਨ ਅਤੇ ਸਾਜ਼ਿਸ਼ ਰਚਣ ਦਾ ਦੋਸ਼ ਲਗਾਇਆ ਗਿਆ ਹੈ।
ਸੋਹਰਾ ਸਬ-ਡਵੀਜ਼ਨ ਦੇ ਪਹਿਲੇ ਦਰਜੇ ਦੇ ਨਿਆਂਇਕ ਮੈਜਿਸਟ੍ਰੇਟ ਦੀ ਅਦਾਲਤ ਵਿੱਚ ਦਾਇਰ ਚਾਰਜਸ਼ੀਟ ਮੁਤਾਬਕ, ਸੋਨਮ (ਦੋਸ਼ੀ-1), ਰਾਜ ਕੁਸ਼ਵਾਹਾ (ਦੋਸ਼ੀ-2), ਵਿਸ਼ਾਲ ਸਿੰਘ ਚੌਹਾਨ (ਦੋਸ਼ੀ-3), ਆਕਾਸ਼ ਸਿੰਘ ਰਾਜਪੂਤ (ਦੋਸ਼ੀ-4) ਅਤੇ ਆਨੰਦ ਕੁਰਮੀ (ਦੋਸ਼ੀ-5) ਵਿਰੁੱਧ ਭਾਰਤੀ ਦੰਡ ਸੰਹਿਤਾ ਦੀਆਂ ਧਾਰਾਵਾਂ 103(1), 238(A) ਅਤੇ 61(2) ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਬਾਕੀ ਤਿੰਨ ਮੁਲਜ਼ਮ ਲੋਕੇਂਦਰ ਤੋਮਰ, ਬੱਲਾ ਅਹੀਰਵਾਰ ਅਤੇ ਸ਼ਿਲੋਮ ਜੇਮਸ ‘ਤੇ ਸਬੂਤ ਨਸ਼ਟ ਕਰਨ ਦਾ ਦੋਸ਼ ਹੈ।