ਇੰਟਰਨੈਸ਼ਨਲ- ਇੰਡੋਨੇਸ਼ੀਆ ‘ਚ ਇਕ ਸਕੂਲ ਦੀ ਇਮਾਰਤ ਢਹਿਣ ਦੀ ਘਟਨਾ ‘ਚ ਮਲਬੇ ‘ਚੋਂ ਕਈ ਹੋਰ ਲਾਸ਼ਾਂ ਬਰਾਮਦ ਹੋਣ ਤੋਂ ਬਾਅਦ ਮ੍ਰਿਤਕਾਂ ਦੀ ਗਿਣਤੀ ਵੱਧ ਕੇ 14 ਹੋ ਗਈ ਹੈ। ਕਈ ਵਿਦਿਆਰਥੀ ਅਜੇ ਵੀ ਲਾਪਤਾ ਹਨ ਅਤੇ ਮ੍ਰਿਤਕਾਂ ਦੀ ਗਿਣਤੀ ਵਧਣ ਦਾ ਖ਼ਦਸ਼ਾ ਹੈ। ਬਚਾਅ ਕਰਮੀ ਸੋਮਵਾਰ ਨੂੰ ਇਮਾਰਤ ਢਹਿਣ ਦੇ ਬਾਅਦ ਤੋਂ ਬਚਾਅ ਕੰਮਾਂ ‘ਚ ਲੱਗੇ ਹੋਏ ਹਨ। ਵੀਰਵਾਰ ਨੂੰ ਕਿਸੇ ਦੇ ਜਿਊਂਦੇ ਹੋਣ ਦਾ ਸੰਕੇਤ ਨਹੀਂ ਮਿਲਣ ਤੋਂ ਬਾਅਦ ਮਲਬਾ ਹਟਾਉਣ ਲਈ ਭਾਰੀ ਮਸ਼ੀਨਰੀ ਦਾ ਇਸਤੇਮਾਲ ਕੀਤਾ ਗਿਆ।
ਸ਼ੁੱਕਰਵਾਰ ਸ਼ਾਮ ਨੂੰ ਬਚਾਅ ਕਰਮੀਆਂ ਨੂੰ 9 ਲਾਸ਼ਾਂ ਮਿਲੀਆਂ, ਜਿਸ ਤੋਂ ਬਾਅਦ ਮ੍ਰਿਤਕਾਂ ਦੀ ਗਿਣਤੀ ਵੱਧ ਕੇ 14 ਹੋ ਗਈ। ਲਗਭਗ 50 ਵਿਦਿਆਰਥੀ ਲਾਪਤਾ ਹਨ। ਇੰਡੋਨੇਸ਼ੀਆ ਦੇ ਜਾਵਾ ਪ੍ਰਾਯਦੀਪ ਦੇ ਸਿਦੋਅਰਜੋ ‘ਚ ਸਥਿਤ ਇਕ ਸਦੀ ਪੁਰਾਣੇ ‘ਕੋਜਿਨੀ ਇਸਲਾਮਿਕ ਬੋਰਡਿੰਗ ਸਕੂਲ’ ਦੇ ਪ੍ਰਾਰਥਨਾ ਰੂਮ ਦਾ ਢਾਂਚਾ ਢਹਿ ਗਿਆ ਸੀ। ਇੰਡੋਨੇਸ਼ੀਆ ਦੀ ਰਾਸ਼ਟਰੀ ਆਫ਼ਤ ਕੰਟਰੋਲ ਏਜੰਸੀ ਅਨੁਸਾਰ, ਸ਼ੁੱਕਰਵਾਰ ਨੂੰ 2 ਲਾਸ਼ਾਂ ਪ੍ਰਾਰਥਨਾ ਰੂਮ ਕੋਲ ਪਾਏ ਗਏ, ਜਦੋਂ ਕਿ ਇਕ ਲਾਸ਼ ਨਿਕਾਸ ਦਵਾਰ ਕੋਲ ਮਿਲਿਆ। ਸ਼ਨੀਵਾਰ ਰਾਤ ਤੱਕ ਬਚਾਅ ਕੰਮ ਪੂਰਾ ਹੋ ਜਾਣ ਦੀ ਉਮੀਦ ਹੈ।