ਸਿੰਗਾਪੁਰ/ਲਖਨਊ- ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਦੇ ਸਿੰਗਾਪੁਰ ਦੌਰੇ ਦੇ ਪਹਿਲੇ ਹੀ ਦਿਨ ਸੂਬੇ ਨੂੰ ਨਿਵੇਸ਼ ਦੇ ਖੇਤਰ ‘ਚ ਇਕ ਵੱਡੀ ਸਫਲਤਾ ਹਾਸਲ ਹੋਈ ਹੈ। ਸੂਬਾ ਸਰਕਾਰ ਨੇ ਸਿੰਗਾਪੁਰ ਸਥਿਤ ਯੂਨੀਵਰਸਲ ਸਕਸੈਸ ਗਰੁੱਪ ਨਾਲ ਕੁੱਲ 6,650 ਕਰੋੜ ਰੁਪਏ ਦੇ ਤਿੰਨ ਮਹੱਤਵਪੂਰਨ ਸਮਝੌਤਾ ਪੱਤਰਾਂ (MoUs) ‘ਤੇ ਹਸਤਾਖਰ ਕੀਤੇ ਹਨ। ਇਹ ਨਿਵੇਸ਼ ਗਰੁੱਪ ਹਾਊਸਿੰਗ, ਲੌਜਿਸਟਿਕਸ ਪਾਰਕ ਅਤੇ ਹਾਈਪਰਸਕੇਲ ਡਾਟਾ ਸੈਂਟਰ ਵਰਗੇ ਰਣਨੀਤਕ ਖੇਤਰਾਂ ਵਿੱਚ ਕੀਤਾ ਜਾਵੇਗਾ, ਜਿਸ ਨਾਲ 20,000 ਤੋਂ ਵੱਧ ਨੌਜਵਾਨਾਂ ਲਈ ਰੁਜ਼ਗਾਰ ਦੇ ਸਿੱਧੇ ਅਤੇ ਅਸਿੱਧੇ ਮੌਕੇ ਪੈਦਾ ਹੋਣਗੇ।
ਅੰਤਰਰਾਸ਼ਟਰੀ ਥੀਮ ਅਧਾਰਤ ਹਾਊਸਿੰਗ ਟਾਊਨਸ਼ਿਪ: ਪਹਿਲੇ ਸਮਝੌਤੇ ਤਹਿਤ ਨੋਇਡਾ ਇੰਟਰਨੈਸ਼ਨਲ ਏਅਰਪੋਰਟ ਦੇ ਨੇੜੇ ਯਮੁਨਾ ਐਕਸਪ੍ਰੈਸਵੇਅ ਖੇਤਰ ‘ਚ 100 ਏਕੜ ਜ਼ਮੀਨ ‘ਤੇ ਇਕ ਹਾਊਸਿੰਗ ਟਾਊਨਸ਼ਿਪ ਵਿਕਸਿਤ ਕੀਤੀ ਜਾਵੇਗੀ। ਇਸ ‘ਚ 3,500 ਕਰੋੜ ਰੁਪਏ ਦਾ ਨਿਵੇਸ਼ ਹੋਵੇਗਾ ਅਤੇ ਲਗਭਗ 12,000 ਰੁਜ਼ਗਾਰ ਪੈਦਾ ਹੋਣ ਦੀ ਉਮੀਦ ਹੈ। ਇਹ ਪ੍ਰਾਜੈਕਟ ਸਾਲ 2027 ‘ਚ ਸ਼ੁਰੂ ਕਰਨ ਦੀ ਯੋਜਨਾ ਹੈ।
ਲੌਜਿਸਟਿਕਸ ਪਾਰਕ: ਦੂਜੇ ਸਮਝੌਤੇ ਅਨੁਸਾਰ ਕਾਨਪੁਰ-ਲਖਨਊ ਹਾਈਵੇਅ ‘ਤੇ 50 ਏਕੜ ਵਿੱਚ 650 ਕਰੋੜ ਰੁਪਏ ਦੀ ਲਾਗਤ ਨਾਲ ਇਕ ਲੌਜਿਸਟਿਕਸ ਪਾਰਕ ਬਣਾਇਆ ਜਾਵੇਗਾ। ਇਸ ਨਾਲ 7,500 ਰੁਜ਼ਗਾਰ ਦੇ ਮੌਕੇ ਪੈਦਾ ਹੋਣਗੇ ਅਤੇ ਇਸ ਦੇ 2027 ਤੱਕ ਸ਼ੁਰੂ ਹੋਣ ਦਾ ਟੀਚਾ ਰੱਖਿਆ ਗਿਆ ਹੈ।