ਨਡਾਲਾ- ਨਡਾਲਾ ਵਿਖੇ ਅੱਗ ਲੱਗਣ ਕਾਰਨ ਝੁੱਗੀਆਂ ਸੜ ਕੇ ਸੁਆਹ ਹੋ ਗਈਆਂ। ਮਿਲੀ ਜਾਣਕਾਰੀ ਮੁਤਾਬਕ ਅੱਗ ਨੇੜਲੇ ਖੇਤਾਂ ਵਿਚੋਂ ਭੜਕ ਕੇ ਝੁੱਗੀਆਂ ਤੱਕ ਪਹੁੰਚੀ। ਨੇੜੇ ਮੰਡੀ ਵਿਚ ਕੰਮ ਕਰਦੇ ਮਜ਼ਦੂਰਾਂ ਨੇ ਦੱਸਿਆ ਕਿ ਨੇੜਲੇ ਖੇਤ ਵਿਚ ਕਿਸਾਨ ਵੱਲੋਂ ਕਣਕ ਦੇ ਨਾੜ ਨੂੰ ਅੱਗ ਲਗਾਈ ਹੋਈ ਸੀ ਪਰ ਜਦੋਂ ਤੇਜ਼ ਹਨ੍ਹੇਰੀ, ਝੱਖੜ ਆਇਆ ਤਾਂ ਅੱਗ ਨੇ ਝੁੱਗੀਆਂ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ ਅਤੇ ਅਸੀਂ ਮਜ਼ਦੂਰਾਂ ਨੇ ਰਲ ਕੇ ਝੁੱਗੀਆਂ ਵਿਚ ਲੋਕਾਂ ਅਤੇ ਛੋਟੇ ਬੱਚਿਆਂ ਨੂੰ ਬਾਹਰ ਕੱਢੇ ਕੇ ਸੁਰੱਖਿਅਤ ਜਗ੍ਹਾ ‘ਤੇ ਪਹੁੰਚਾਇਆ।
ਉਨ੍ਹਾਂ ਦੱਸਿਆ ਕਿ ਅਸੀਂ ਮਦਦ ਲਈ ਨੇੜੇ ਬਣੀ ਚੌਂਕੀ ਦਾ ਗੇਟ ਖੜ੍ਹਕਾਉਦੇ ਰਹੇ ਅਤੇ ਅਵਾਜ਼ਾ ਮਾਰੀਆਂ ਪਰ ਕੋਈ ਵੀ ਬਾਹਰ ਨਹੀਂ ਆਇਆ। ਝੁਗੀਆਂ ਵਿਚ ਰਹਿੰਦੇ ਪ੍ਰਵਾਸੀ ਮਜ਼ਦੂਰਾਂ ਨੇ ਦੱਸਿਆ ਇਸ ਘਟਨਾ ਦੌਰਾਨ ਕਰੀਬ ਝੁੱਗੀਆਂ ਸੜ ਕੇ ਸੁਆਹ ਹੋ ਗਈਆ ਹਨ। ਮੌਕੇ ‘ਤੇ ਝੁਗੀਆਂ ਵਿੱਚੋਂ ਸਿਲੰਡਰ ਬਾਹਰ ਕੱਢੇ ਗਏ ਗਏ ਨਹੀ ਤਾਂ ਨੁਕਸਾਨ ਜ਼ਿਆਦਾ ਹੋਣਾ ਸੀ। ਉਨ੍ਹਾਂ ਦੱਸਿਆ ਕਿ ਫਿਲਹਾਲ ਝੁਗੀਆਂ ਵਿਚ ਪਏ ਕੱਪੜੇ, ਪੈਸੇ ਕਣਕ ਅਤੇ ਹੋਰ ਸਾਮਾਨ ਸੜ ਕੇ ਸੁਆਹ ਹੋਇਆ ਹੈ। ਇਸ ਦੌਰਾਨ ਮੌਕੇ ‘ਤੇ ਪੁੱਜੀ ਭੁਲੱਥ ਫਾਇਰ ਬ੍ਰਿਗੇਡ ਦੀ ਗੱਡੀ ਆਈ ਅਤੇ ਅੱਗ ‘ਤੇ ਕਾਬੂ ਪਾਇਆ।