ਨਵੀਂ ਦਿੱਲੀ: ਦੇਸ਼ ਦੀ ਸਭ ਤੋਂ ਪੁਰਾਣੀ ਸਿਆਸੀ ਪਾਰਟੀ ਕਾਂਗਰਸ ਲਈ ਦਿੱਲੀ ਤੋਂ ਇੱਕ ਵੱਡੀ ਅਤੇ ਮੁਸ਼ਕਲ ਖ਼ਬਰ ਸਾਹਮਣੇ ਆਈ ਹੈ। ਸੂਤਰਾਂ ਦੇ ਹਵਾਲੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਕੇਂਦਰ ਸਰਕਾਰ ਨੇ ਕਾਂਗਰਸ ਨੂੰ ਆਪਣੇ ਪੁਰਾਣੇ ਮੁੱਖ ਦਫ਼ਤਰ ’24 ਅਕਬਰ ਰੋਡ’ ਵਾਲੇ ਬੰਗਲੇ ਨੂੰ ਖਾਲੀ ਕਰਨ ਦਾ ਨੋਟਿਸ ਜਾਰੀ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਯੂਥ ਕਾਂਗਰਸ ਦੇ ਦਫ਼ਤਰ ‘5 ਰਾਏਸੀਨਾ ਰੋਡ’ ਨੂੰ ਵੀ ਖਾਲੀ ਕਰਨ ਦੇ ਹੁਕਮ ਦਿੱਤੇ ਗਏ ਹਨ।
28 ਮਾਰਚ ਤੱਕ ਬੰਗਲਾ ਖਾਲੀ ਕਰਨ ਦਾ ਅਲਟੀਮੇਟਮ
ਨੋਟਿਸ ਵਿੱਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਕਾਂਗਰਸ ਪਾਰਟੀ ਨੂੰ ਆਉਣ ਵਾਲੀ 28 ਮਾਰਚ ਤੱਕ ਇਸ ਇਤਿਹਾਸਕ ਬੰਗਲੇ ਨੂੰ ਖਾਲੀ ਕਰਨਾ ਪਵੇਗਾ। ਜ਼ਿਕਰਯੋਗ ਹੈ ਕਿ ਪਿਛਲੇ 48 ਸਾਲਾਂ ਤੋਂ 24 ਅਕਬਰ ਰੋਡ ਵਾਲਾ ਬੰਗਲਾ ਕਾਂਗਰਸ ਦਾ ਰਾਸ਼ਟਰੀ ਮੁੱਖ ਦਫ਼ਤਰ ਰਿਹਾ ਹੈ ਅਤੇ ਪਾਰਟੀ ਦੀਆਂ ਤਮਾਮ ਵੱਡੀਆਂ ਗਤੀਵਿਧੀਆਂ ਇੱਥੋਂ ਹੀ ਚਲਦੀਆਂ ਆ ਰਹੀਆਂ ਹਨ। ਜਾਣਕਾਰੀ ਅਨੁਸਾਰ, ਕਾਂਗਰਸ ਦੇ ਨਵੇਂ ਅਧਿਕਾਰਤ ਮੁੱਖ ਦਫ਼ਤਰ ‘ਇੰਦਰਾ ਭਵਨ’ ਦਾ ਉਦਘਾਟਨ ਬੀਤੇ ਸਾਲ ਹੀ ਹੋ ਚੁੱਕਾ ਹੈ।